董敏莉(Monie)日前拍攝「香港開電視」娛樂新聞賀年節目「年年有瑜」,向瑜伽導師陳如楓拜師學藝,學習親子瑜伽之餘,順便產後修身。Monie表示做運動同時可以陪愛女,作為全職母親感方便:「最近想操番個身體復工,電台同事都有問我幾時返去開咪,但係我真係唔捨得個女,之前就計劃過年後,不過依家都想再推遲少少。」
患肌瘤暫停再生B
導師教Monie幾招瑜伽動作,拉鬆背肌之餘,舒緩全職媽媽的疲勞,Monie表示現在全副心思集中在愛女身上,未有考慮「追多個」:「因為陀B時我照到有肌瘤,所以醫生都話要搞掂晒先可以諗下一胎,所以唔計劃得太長遠!」
Monie自產後作全職媽咪,因操勞過度患上媽媽手:「我之前連擦牙、洗頭都痛到郁唔到,叫老公幫手睇住個女,點知老公都話佢開始有爸爸手,開始感受到我嘅痛楚,睇嚟要搵一個三人行嘅親子瑜伽。」服裝:董敏莉@FILA