轩仔与学生们打成一片。

 【本报记者报道】歌手张敬轩（轩仔）早前于会展《REVISIT张敬轩演唱会》上宣布将会开办演艺学校，今年内将会正式公开招生。日前，轩仔受邀为由树仁大学主办的「IAE大学联校歌唱比赛」担任评判及表演嘉宾，顺便为演艺学校拣卒，轩仔直言：「欢迎大家随时DM（私讯）我」，发掘有潜质年轻新一代。

由于主办方事前保密功夫做到足，当歌唱比赛开始时，司仪介绍轩仔出场，观众的欢唿声接近炸爆礼堂，同学们纷纷大叫「张敬轩你好靓仔呀、我爱你呀张敬轩、张敬轩除衫！」而轩仔还未表演，同学已经嗌定encore及encore歌曲，「张敬轩《下次爱你》、张敬轩encore、张敬轩《雪花抄》」，甚至非主打歌都识，气氛高涨。

比赛前，轩仔不忘为各参赛同学打气，又笑说：「听讲今日好似有人唱我啲歌喎，边个咁沙胆！」随后表示自己今次到来也是学习，「每次睇啲大学比赛我都觉得：『哗！好劲呀佢哋！』有啲已经好似可以即刻出唱片咁样，所以今日都希望嚟呢度睇吓有没啲有潜质嘅新人，大家要加油啦！」

当20多位参赛者演唱过后，司仪便请轩仔上台分享表演心得，轩仔表示最重要是投入，享受台上的演出时间，他提到当日独唱组冠军演唱陈奕迅的《浮夸》时，绝对是全程投入，观众亦很自然地被他牵动情绪，「我觉得社会上嘅工种都带唔到嗰种肾上腺素兴奋嘅感觉，所以我觉得做表演嘅人係好开心，应该好好地咁享受个舞台。」

分享如何表演不怯场

问到站在台上，如何令自己没咁惊，轩仔坦言「惊係正常」，就算现在做直播演出，事前綵排得很好，一样会紧张，「呢啲叫做『Stage Fright』（怯场），係完全正常，就算无论几大嘅super star（巨星），佢哋都会有呢样嘢。只不过係佢哋嘅经验同training（训练）有没办法令到佢哋喺首歌嘅前奏，或者喺佢嘅第二句就已经可以冷静到自己。」

他透露自己的抒缓方法就是与观众建立交流，「譬如上台同大家打吓招唿呀、或者真係当你好想得到佢哋回应嘅时候，就可以派吓心心，哈哈。当你同观众建立咗一个关係嘅时候，其实你会对佢哋有信任，咁你就唔会怕佢哋。」

随后他便唱出《余震》及《装睡的情人》两首歌曲，演唱过后观众不断狂唿encore，而原来只预备演唱两首歌的轩仔最后亦满足观众需求，再次出台唱出《樱花树下》，期间有同学表示希望与轩仔合唱，轩仔亦一一答应，难得跟轩仔同台唱歌，两位同学都十分兴奋。

300歌迷校门外守候

Encore前，轩仔谓在后台见到一众参赛者时，觉得很开心，因为一班喜欢唱歌的人能够相聚是一件很开心的事，「其实没职业歌手同业余歌手之分，当我哋沉浸喺音乐入面嘅时候，大家都係钟意音乐嘅人。我每次喺学校入面表演，我都觉得好开心，因为嗰种距离好近，可能有啲朋友唔係成日听我嘅作品，所以我好珍惜每次可以唱歌俾大家听嘅机会。」

歌唱比赛结束后，超过300歌迷及同学仍未离去，纷纷于校门外守候轩仔，马路边的人龙长达百余米，认真夸张。