【本报记者报道】视帝马国明（马明）和汤洛雯（靓汤）将于下月正式拉埋天窗。早前马明受访时表示婚礼筹备工作已搞得七七八八，应该好快就是两人大日子的来临。
准备做新娘子的靓汤昨日（29日）就在社交网晒出传统过大礼的「壮观画面」，「物资」相当丰富，单是龙凤鈪都有至少6对，有一些龙凤鈪比平常见到的粗3倍，难怪靓汤都形容是「流星锤咁嘅龙凤鈪」。另外嫁女饼都有4大盘，相当豪气。
靓汤说︰「又一项完成！原来过大礼係咁复杂，嗰日係有少少呆咗。不过好多谢马生嘅疼爱，同各位兄弟姊妹嘅帮手，特别係Ella、汤乐瑶、林子善、黄嘉乐，任务顺利完成。啲饼有成四大盘多到食唔晒派唔晒，而且啲盘听讲係传承落嚟，好意头好意头。咁大个女第一次见到好似流星锤咁嘅龙凤鈪，仲有好多只猪猪，好靓好壮观。今次过大礼可以咁顺利，真係非常多谢尚囍非常细心同埋妥善嘅安排，负责人Marc亦都係一个开心果，仲特意安排咗一位非常有经验嘅（大）妗姐帮忙，辛苦你哋啦！」
嫁女饼多到「派都派唔晒」
好友高海宁留言︰「哗～张相装唔落啦！果然係过大礼！」不少网民亦留言指马国明「豪啊」、「哗哗哗，好劲呀﹗马明落重本，娶到靓老婆」。
曾希望度蜜月欣赏北极光
早前靓汤接受传媒访问时就透露过婚后会否直落度蜜月？她就表示：「其实我就好想，但就未有时间计划，因为近来好多人疯狂去旅行，变咗如果先去一个好特别嘅旅行，就要早半年时间准备。
她又冧爆指马明好有心，记得她说过度蜜月想睇北极光，她说：「因为我觉得睇北极光，大家係有缘份先可以一齐睇到。变咗我要睇到，要去嘅话都要等到下年年尾，就令我暂时打消咗呢个念头，唯有之后再谂。」
|
搜寻新闻
