【本报记者报道】泳儿（Vincy）日前推出新歌《撞到正》，为宣传歌曲，Vincy跟网上平台即兴到旺角跟网民大玩寻宝游戏。游戏规则十分简单，Vincy去到游戏地点后，便会于自己IG公佈「寻宝」的时间及地点等消息，然后便等待「有缘人」，当「有缘人」见到Vincy时，只要说出「暗号」：「我撞到正泳儿，你真係好鬼正。」便可以得到一百元的利是一封。

寻宝游戏共三场，早前已于旺角进行第一场，短短半小时，Vincy手中三十封利是便一派而尽，反应热烈。经过第一场游戏，Vincy笑说感受到大家非常现实，「全部都係为咗钱过嚟，我首歌係讲人比鬼更可怕，原来係真嘅，全部都係贪钱鬼，哈哈。

本身谂住宣传只歌，但係大家一嚟到，我问佢哋搵边个，佢哋就话：『搵钱。』笑死我。不过最紧要大家开心，攞完钱之余都碌吓我只新歌《撞到正》。」

除此之外，Vincy亦希望大家要「留心听书」，「我喺IG story写到牛乸咁大个字嘅口号，係要讲：『我撞到正泳儿，你真係好鬼正。』但係好多都係没留心睇啲文字，全部讲错晒，哈哈，不过唔紧要啦，志在参与，我哋都有俾奖。」

接下来的第二及第三场分别于今日（22日）及星期日（24日）进行，问到如何部署两场游戏，Vincy坦言因为金额将会提升，所以她要坚守游戏规则，一定要说对暗号才派发奖金，「我唔可以咁心软，同埋难道会提升，我自己都谂吓有啲乜嘢难题去问大家，因为听闻呢个平台平时啲游戏係好难玩，所以我要提醒大家如果要拎钱嘅话，就要留心睇吓我哋嘅游戏规则啦。」