冯盈盈苦练喊功。

冯盈盈苦练喊功。

冯盈盈苦练喊功。

冯盈盈苦练喊功。

冯盈盈苦练喊功。

【本报记者报道】由刘家豪总监制、陈志江监制、岑国荣、孙浩浩担任编审的《逆天奇案2》，前晚（15日）一集，大家期待已久的Ana（冯盈盈饰）终于登场。盈盈前晚一集喊戏连场，内心情绪相当复杂，她受访时透露事前特意找泰臣「补钟」。

盈盈说：「事前我搵咗泰臣做我演戏老师，预先排练预演过后先正式拍摄，务求可以更加投入同掌握到剧中嘅感情戏。」讲到拍摄当日兰桂坊人多又热闹，会否影响入戏？盈盈说：「好在泰臣老师教咗我一啲投入角色世界嘅技巧，同埋我事先重温咗《逆天》第一辑喺兰桂坊拍摄嘅场面，加强咗我嘅回忆令到拍嘅时候更易入戏。」

连场喊戏影响心情

讲到《逆天2》中喊戏连场，盈盈坦言：「今次係我入行以嚟，拍过最多喊戏嘅一套剧，唔多唔少都会令到我喺拍摄过程中心情受影响。但我收工之后会搵方法调节自己嘅情绪走番出个角色，我参考咗一啲前辈建议，透过睇书、做运动、听音乐嚟纾解压力。」

至于饰演盈盈男友的Matthew演出同样亮眼， Matthew在剧中除了高大靓仔，又识煮饭做家务，对盈盈的爱更是体贴入微，名副其实100%暖男！Matthew近年不时饰演暖男角色，继在《一舞倾城》饰演长情男俊驹、《新闻女王》饰演对未婚妻李施嬅无限包容的律师邵俊乐后，这次在《逆天2》饰演男友力Max的天祖，不但对着Ana温柔无比、千依百顺，为了令Ana回流香港后依然有「家的感觉」，除特意将家中所有摆设及物件「神还原」纽约爱巢，就连「景观」问题亦以「墙上投影」予以解决，暖心及浪漫度爆灯！

高钧贤获赞戏裏戏外都係暖男

连续三套剧大晒暖男面，Matthew绝对有潜力成为「新一代御用暖男」。提到与Matthew剧中Sweet爆CP感十足，盈盈笑言Matthew现实是百分百暖男：「第一次同Matthew合作，觉得佢好似一个大哥哥，好亲切又好识得照顾身边嘅每一个人，包括台前幕后所有工作人员，又会主动买零食嘢饮畀整个剧组，名副其实戏内戏外都係暖男！」