艺人刘心悠、歌手胡琳和胡鸿钧（Hubert）等前晚出席活动，将于4月1日37岁生日的心悠计划搞BBQ派对，并透露与妈妈同一日生日。问到单身的她人生大事时，她说：「唔觉得依家咁好有型咩，我觉得自己一个好啲，其实想跳出呢个框框好耐，我又唔识煮饭，所以唔心急。」问到想拣甚么类型？她坦言不清楚自己想要甚么，所以不知怎样拣：「好似你入间餐厅望个餐牌咁多嘢食，要谂好耐，因为你无特别想食咩，选择恐惧症。（多选择都要食？）但未肚饿！（会饿死？）今朝食完早餐到依家未食嘢，呢啲其实唔係最重要，最重要摆咩入口，要有营养，唔可以乱放嘢入口。」

胡琳冻伤康復八成

胡琳提到早前在冰岛拍MV冻伤，她表示休息了四五日后才復工，日前出活动前块面因皮肤炎渗水，她直言好恐怖：「都化唔到妆，大家望住我又唔敢话我知咩事，差啲喊，有人细细声话畀我知仲有3分钟开始，嗰刻个人崩溃咗。」她表示现时皮肤康復了八成，又趁休养期间苦中作乐，在社交网举办冰岛P图大赛，赢到比赛送福袋。胡琳表示现时有20多人参与，每次见到自己相片都会笑到失控。

另外，本月27日28岁生日的Hubert表示，将会有近200名粉丝为他搞生日派对：「每年都搞，佢哋好有心，租咗个Ball Room，多谢佢哋专登同我庆祝生日，演完『石敢当』之后最多人一次。」问到男朋友许廷铿及吴业坤会否一齐来？Hubert说：「我啲男性朋友，等佢哋约，自己生日唔会主动约。」他唿吁一班歌迷不要送礼物，将钱捐出去做慈善，将收据送给他做生日礼物。