林峯、郑嘉颖、谭耀文接受香港开电视主持马梓轩专访,分享拍摄新戏《P风暴》点滴。该片还云集多位型男,包括古天乐(古仔)、林家栋、张继聪等,不过谈及戏中最chok的一位,嘉颖直指非林峯莫属:「你一着嗰套紫色西装,真係无人够你嚟,即刻chok爆咗!」此时林峯谦虚称:「我都夹硬去carry吓啦,我本身谂住carry唔到!」
初为人父的嘉颖透露,早于两年前与阿谭合作音乐剧期间已嚮往当爸爸,但阿谭则反驳:「虽然你嚮往,但当时你话唔好搞我!」嘉颖笑言:「咁又唔係,只不过煮到埋嚟就食啦!相信阿峯都係咁谂架啫係咪?啱timing,遇到啱嘅人就去做啰!」嘉颖更为儿子郑承悦(Rafael)遗传了自己的个性而哭笑不得:「我个仔有我啲脾气,总之佢周身郁唔合作,你叫佢去东佢就去西,我希望佢会搣甩呢样嘢!」
谭耀文不怕被比较
该片于搭建的监狱场景拍摄,其中谭耀文饰演的惩教署监督,不期然令主持William联想起经典电影《监狱风云》。阿谭被问到会否怕观众将角色与《监》饰演惩教署人员的张耀扬作比较,阿谭即鬼马地表示:「唔怕!阿Roy嘛,我地friend嚟嘅,唔怕!其实每部戏都唔同,剧情发展唔同,只要尽力做好每个角色就得!」
首演反派乐趣甚多
林峯和古仔相隔18年再度合作,林峯感激古仔给他机会及教导。向来予人乖乖仔形象的他,戏中与阿谭同演反派,更发现演反派乐趣多:「今次真係第一次尝试演一个反派人物,我都同阿谭讲原来演反派係咁过瘾!」
林峯与女友张馨月现在拍拖时常被野生捕获,他却甚少与传媒分享感情事,为此林峯解画:「一部电影作品有咁多台前幕后嘅人,用咗咁多个月咁辛苦去拍,然后透过我哋去宣传作品时,如果将视线投放喺我嘅私人嘢,我觉得好唔专业!」最后林峯强调,若自己将来成为人父,会很乐意跟大家分享家庭生活。