文/ Aka 摄/ Aka

疫情持续，对于喜爱去旅行嘅香港人绝对係恶梦，所以今次我地同大家尝试係香港搵下去旅行嘅感觉。虽然日本、韩国、台湾、泰国一定係香港年轻人最爱去嘅地方，唔少人更加觉得上述嘅地方先係佢哋嘅乡下。今次到访嘅餐厅并唔係代表上述嘅地方，但亦都係香港年轻人十分喜爱嘅地方：越南。

最近铜锣湾新开咗一间装修得好有异国风情嘅越南餐厅，难得食越南菜嘅餐厅咁靓，经过见到好难唔比佢个装修吸引。二楼挂满一个一个嘅彩色灯笼，有种古朴气色，令人有置身于越南会安嘅感觉，打卡简直一流。店名Lua（攞。啊），係越南文中「稻米」之意，楼高两层，装修古风得黎又有点摩登嘅感觉，而且坐位阔落，整体感觉十分宽敞舒服。

讲到越南餐厅，Pho（河粉）一定係标志性食物，去越南唔食Pho都唔好话自己去咗越南。所以一定要试下佢嘅生牛肉杂锦汤河，餐厅标榜绝大部分食材和调味酱料都是从越南当地运来。河粉檬粉亦係每日自家新鲜制造，爽滑唔易断。汤底标明唔落味精，用猪牛骨肉煲出精华，味道香浓之余亦十分清甜，配上鹅蒂、青辣椒、青柠、九层塔、芫荽、辣椒等丰富嘅香料，味道更有层次。除左有安格斯牛肉，也配上牛扎肉 、牛肉丸、牛肋骨、牛皮等，牛肉腍而嫩，扎肉和牛丸嘅口感同坊间稍有不同，牛肋骨肉味浓郁，牛皮爽滑，简直係牛魔王嘅盛宴。配上地道特色食法，先唧青柠汁，再加甜辣酱同海鲜酱提味，更加引出汤的甜味和肉的香味。

另外，去越南当然唔少得食法包，小篇就叫左个经典口味啦！越式法包係越南嘅一种特色菜。当地人食用时，常常加入带甜酸味嘅萝蔔丝腌菜、新鲜青瓜、芫荽、辣椒，涂以猪肝酱、奶油，再加入各种肉片，通常当作早餐、小吃或宵夜。法包烤嘅时间控制得刚刚好，外脆内软。猪肝酱味道突出，但比想像中温和，而且十分细滑，配搭萝蔔丝腌菜和青瓜，口感清新。越南扎肉作为主要材料，本身就有着复杂的味道，加上莞荽提味，味道独具风格。当各种材料集合埋一齐，无论味道和口感都非常丰富，值得慢慢细味。

粉皮入面包住嘅係猪肉春卷，外面滑捋捋，入面脆卜卜，食落几特别，做法同口感都十分似中式炸两，配上酸酸辣辣嘅越式酱汁，十分开胃。

炸软壳蟹脆卜卜，啖啖蟹肉有蟹嘅鲜味，同咸蛋黄酱配搭简直无得输，香口得黎又唔会腻。

一道比较少见的菜式，夜香花味道不重，但却有独特的香味，配合独家酱汁酸酸甜甜得黎又十分清新。

荔枝味道清香，配合绿茶用嚟解腻一流

越南咖啡特有的香味，加入炼奶令口感顺滑，而且中和咗咖啡苦味，风味别树一格。

打卡位都係重点，红色门面、特色打卡墙、沉木枱，都係满满嘅越南风。

重点打卡位係二楼露台嘅「假楼梯」位，天花板挂满五颜六色嘅灯笼，但只有两张枱，想食住打卡嘅就记得要book位啦。