馬國明與女友黃心穎昨晚拍拖出席新劇首播,兩人表示因買樓元氣大傷,要齊齊「捱騾仔」!而胡定欣則穿上超低V晚裝到場,自言是幸運星,希望新劇成為收視冠軍。<文>陸曼美<攝影>梁迺枬
無綫新劇《宮心計2深宮計》昨晚於首播,一眾演員胡定欣、馬國明、黃心穎、蕭正楠、馬浚偉、劉心悠等齊集油塘睇首播,引來大批市民圍觀。胡定欣與馬浚偉以情侶裝現身,二人劇中飾演夫婦,胡定欣穿上白色超低V晚裝,她很期待觀眾對劇集的口碑及反應。
超低V性感登場
被指超低V性感登場的胡定欣解釋:「都不算性感,幾自然,開心就得!收視愈高愈好,我都算幸運星,今晚穿着條裙星星都多,記得去年套《同盟》收視是全年冠軍,亦是因幸運星守護套劇集,都希望這套劇今年收視冠軍。」
馬國明及女友黃心穎齊齊到場,講到這是兩人的「定情劇」,馬國明笑說:「都算是第一次做一對的劇,拍這套劇大家了解多咗,有一齊食飯睇戲。」心穎最近被拍到豪花120萬買入白色跑車,她承認當獎勵自己,去年已換樓,現在換車,元氣大傷,又要重新儲錢。而去年買樓的馬明亦說元氣大傷,二人都開始要「捱騾仔」!
而劉心悠身穿黑色露肩裙赴會,大晒香肩及長腿。對於劇集首播,她直言心情複雜又興奮:「好期待,因為係我第一套用廣東話拍嘅劇,所以好緊張,希望觀眾聽得明我講對白嘅每一個字。因為劇中每個演員都好資深,佢哋講對白好順暢,自己講出嚟好奇怪,希望觀眾會接受。」
劉心悠緊張滴汗
受訪期間,心悠不停擺動身體,更笑言緊張到流汗,連腋下都濕了,並笑言緊張到想逃走。她又透露會播出雜耍戲份,希望大家喜歡她首套廣東話劇集。而馬浚偉已叮嚀家人開齊家中四部電視機,齊齊煲劇以示支持。
|