Tim透露一家人計劃暑假返加拿大探親。

Kelly表示剛由洛杉磯讀演藝課程回港。

Kelly開心地玩5G實境電競賽車。

Tim透露一家人計劃暑假返加拿大探親。

Kelly表示剛由洛杉磯讀演藝課程回港。

藝人張曦雯（Kelly）及樂隊Dear Jane主音黃天翺（Tim）昨日到沙田出席電訊活動，大玩電競賽車遊戲，Kelly早前因拍攝節目而在泰國曼谷賽車場大玩高卡車，今次一踏入5G實境電競賽車司機座位，姿勢有板有眼，更向同樣喜歡打機的Tim直接下戰書，揚言今次一定會贏！經過一輪緊張刺激極速鍊車的追逐戰後，最終由Tim勝出。

下月開拍新劇

Kelly表示最近少打機，因去了美國洛杉磯讀演藝課程一個月，剛剛才回來：「做番學生，可以放低工作，心情輕鬆，不過上一個月時間比較短，有啲同學上足七年仲讀緊。」她表示演技無止境：「8月中會開新劇，希望拍完之後可以有一個月時間返去讀書。」她又透露新劇會與羅仲謙飾演情侶，是時裝喜劇。

舉家離港探親

Tim於賽後分享平日打機的心得：「打機最怕網絡延遲，尤其是連線遊戲，好多時上一秒的訊號不穩，下一秒我就會被其他玩家秒殺了。老婆都會問我打到幾時，自女兒出世之後部遊戲機就封塵，等女兒大啲可以搵啲啱嘅遊戲一齊玩，老婆應該唔會阻止。」Tim指女兒快將兩歲，一家人計劃暑假返加拿大探外父外母。