■黃又南送朱古力夾心零食給粉絲。

黃又南昨天以朱古力夾心零食大使現身銅鑼灣街頭宣傳，但他卻有倒米Feel，活動上又南笑言，由細到大愛吃甜食被取笑是「食家」！由於平時食得太多糖，結果被經理人出手禁止，而且最近要睇牙醫杜牙根。早前於內地拍攝時遇到一位90後演員以朋友經歷提醒他少吃甜食多飲水，因他的朋友就是多甜少水患上腎病他，又南笑言聽後好驚，男人腎虧好大鑊！現時每日他迫自己起碼飲兩三杯水。

提到緋聞女友杜如風與助手Alvin拍拖，硬撬好友化妝師Jenny牆腳！又南代為否認，據他所知，「三角戀」緋聞主角沒有因此影響關係，因為大家都一齊玩多年。又南說：「其實我同Alvin兩個都唔係，杜如風好慘呀！她永遠都無。」