藝人鄭伊健早前拍攝一個退休生活保障計劃廣告，這個廣告有如拍電影，因為要杯碟碗滿天飛，而他則要扮避開杯碟，大玩特技效果！提到退休計劃，伊健說：「梗係有啦！不過係以前，依家比較小咁諗，因為以前想退休係希望想快啲做晒啲工作，咁有多啲私人時間，不過依家想法唔同咗，可以一路做一路分配時間，係要做吓嘢嘅，如果有能力就同屋企人去享受下生活，呢一刻無想過要退休！」

伊健雖然仍熱愛工作，暫時放下退休計劃，不過曾想過退休後，他將會轉戰飲食界：「如果唔再做演藝事業，我會去開餐廳，因為見人食得開心，自己又睇得開心，咁又可以生活到就最好！」

瞓身宣傳新片

踏入2018年，伊健的大計是為好兄弟瞓身宣傳，他表示，去年他們一班好友包括陳小春、謝天華和林曉峰等合作拍了一部電影《黃金兄弟》，這部戲是由錢嘉樂執導，今年便會上映，所以他們一定瞓身宣傳，全力撐硬，而他們一班兄弟最大心願是能夠全亞洲也會上映，而他自己則想在唱片上繼續努力，再推出唱片！