藝人黃心穎分別有四姊妹，包括家姐心妙、心美及心慧，其中心美及心穎分別是ViuTV及無綫的當家花旦，加埋黃媽媽，家中非常熱鬧，四姊妹感情一向要好，又十分孝順媽媽，不時會一齊食飯行街、去旅行等等。不過最近心穎竟然被撇甩，三個家姐帶了媽媽到日本旅行浸溫泉，令到心穎在社交網大呻：「無我份！」

二家姐心妙在ig上載了三姊妹與黃媽媽四大美人浸溫泉的照片，四人更齊齊晒香肩，看上去黃媽媽Keep得甚Fit，四人似足四姊妹。心妙留言：「如果有日阿媽公開保持童顏的秘密，我一定第一時間同大家分享。」而大家姐心美都有Update ig，不過就獨自霸個溫泉，還取笑二妹在雪地都要着高踭Boot。

被遺忘的心穎日前在ig上載性感扮哈利波特相片，大晒事業線！其後上載了四格自拍相說：「我家啲女人今日去旅行！話說、又無我份！不過聽講佢哋落錯車、迷路……唉、無我、係咁㗎喇！」