歌手周柏豪日前率領一眾師兄弟妹包括何雁詩、戴祖儀、林師傑、謝文欣、譚嘉儀、胡鴻鈞、伍富橋、谷微、菊梓喬及鄭俊弘，參與TVB娛樂新聞台賀年節目錄影，與兩位主播許文軒及主播蘇可欣齊齊大玩遊戲及大談狗年願望。
谷微大呻無桃花
講到生兒育女，周柏豪表示好鍾意小朋友：「如果生小朋友，我鍾意女，能力係有，但覺得自己超級無時間，我忙到連架車都照顧唔到，點去照顧下一代。」身旁的菊梓喬也表示喜歡小朋友：「見到小朋友我雙眼會發光，但我好似過咗個年齡，我遲入行，遲咗起步，如果好似周柏豪咁成功我即刻生，所以今年希望儲多啲歌，可以開音樂會。」單身的谷微笑言甚麼桃花也沒有：「我到咗香港兩年都無拖拍，以前我阿媽叫我唔好咁快拍拖，到依家佢成日問我點解唔拍拖。」
譚嘉儀招親不成
另一邊廂，譚嘉儀亦開口表示恨拍拖：「我招親招咗好耐都唔成功，（想要邊類型男仔？）希望好似胡鴻鈞同林師傑嘅合體。」胡鴻鈞的狗年願望是身體健康：「之前成日病，希望自己身體健康，亦希望同唔同嘅音樂單位合作，努力實現開音樂會。」而何雁詩則希望唱歌及高爾夫球有所成績：「好耐無打波，上年年尾Pick Up返高爾夫球，嚟緊有亞運，希望有好成績。」
搜尋新聞
