無綫新劇《解決師》昨日舉行記者會，唐詩詠、王浩信、馮盈盈及張曦雯等半百藝員出席，詩詠在劇中飾演一位本身是黑幫千金，又精通長笛的老師，剛開始上堂學吹笛的她自言仍未上手，覺得很難。

有指今次角色本身由岑麗香飾演，但因她不與無綫續約，故臨時易角由詩詠頂上，她回應：「我唔知道，因為公司淨係同我講我要開呢套劇，我開緊工，所以無問到咩事。其實我自己無乜所謂，都係聽公司指示，對演員嚟講都係睇角色好唔好玩，今次我再同王浩信合作都開心。高層嘅嘢就要問返高層喇，我哋呢啲低級員工，哈哈。」她本來打算拍完另一套劇《白色強人》便放假休息，但臨時要為《解決師》開工，她坦言不太夠時間準備，會盡力而為。

已補祝父親節

而王浩信在劇中則飾演一個武功高強、專為黑幫解決問題的角色，當中動作場面是他拍劇以來最驚險，浩信除了接受近身搏擊訓練，亦向伍允龍請教伍家拳。他又談到女主角換人對他沒有影響，因為無論是詩詠或岑麗香都很受觀眾歡迎。

對於早前的父親節亦因工作未能跟家人一齊度過，王浩信指因為要搵食所以無辦法，又透露一家三口已補祝父親節，更收到女兒送的圖畫，他謂：「呢個係我細細個都會做，我覺得好sweet嘅一樣嘢。」

對於與陳自瑤的分居傳聞及婚姻關係等，王浩信只表示：「唔屬實嘅嘢唔回應喇，我哋都一樣係咁樣生活，唔係每一日都恩愛先係正常，我哋當然有嗌交、有開心嘅時候，生活係咁樣㗎嘛。」他稱因抗拒將家事變成娛樂新聞，所以不會刻意放閃，望大家能給予空間。

馮盈盈周身瘀

劇中浩信跟張曦雯（Kelly）飾演一對，但兩人將會經歷很大的生離死別，Kelly直言睇劇本都傷心。問到兩人會否有咀戲，她說：「會有，做返情侶正常拍拖會做嘅嘢，一定要有啲好sweet嘅嘢觀眾先會覺得傷心。」

而飾演柔道高手的馮盈盈就要從零開始為角色練功夫，弄到周身瘀，更即場向記者展示傷勢。盈盈透露自己一向半年先做一次gym，今次既要學柔道、又要做運動，連男朋友都說見到她開始長肌肉，又謂：「由一開始見到我受傷佢話心痛，依家直情鼓勵我做多啲，話強身健體。」

講到是否有信心應付到打鬥場面，盈盈語帶心虛地笑言：「今日出嚟我無跌落地已經當合格，但本身安排咗好多好厲害嘅招式，打觔斗、起飛腳嗰啲全部刪減咗，我希望去到拍攝後期全部都做到！」