藝人黃又南、岑樂怡、陳俞希、羅家英同廖啟智(智叔)等昨日在銅鑼灣出席ViuTV劇集《已讀不回》記者會,眾人分享拍攝劇集時的感受,以及每個角色之間錯綜複雜的關係。
廖啟智讚好戲
又南指因拍此劇與新加坡視帝陳泂江結片緣成為好友,早前一起拍綜藝節目,贏得兩萬多獎金,部分捐作慈善機構,希望劇集開續集,兩人有機會再合作。
羅家英自言今次劇集飾演神父,他說:「無乜對白,得60字可以講晒,主景喺冷氣室裏面,好舒服!」智叔則表示與家英哥有好多對戲:「佢真好好戲,唔使靠對白,靠眼神,身體語言同功架就得,希望之後可以繼續有合作。」羅家英則笑謂多得在他身上偷師,希望再合作。
楊盼盼無大礙
羅家英又大爆聽聞美國有四間大電影公司將來港投資拍劇,他笑謂兩人是搶手貨,因劇集總有老人家角色,他們價錢、脾氣也好,實在是平靚正。
被問到拍劇時太太汪明荃(阿姐)可有探班?他笑說:「講明唔想互相去探班,費事影響,而且大家都係咁多嘴喎,聽導演講就算啦,又要聽阿姐講嘅話,導演情何以堪?」
談及近日在馬來西亞拍賀歲片燒傷的楊盼盼,羅家英表示已無大礙:「佢右手燒傷,面就灼傷但唔會有疤痕,醫生擔心佢傷口感染所以唔畀佢出院,同佢刮咗啲死皮,等生番啲新皮就可以出院。」智叔則笑說:「火曉旺地,代表該片票房大賣,我都想畀火燒吓!」