Fiona大讚王陽明溫柔及友善。

薛凱琪與Chilam、王陽明在劇中發展一段糾纏不

Fiona指Chilam比她想像中更聰明。

Fiona大讚王陽明溫柔及友善。

薛凱琪與Chilam、王陽明在劇中發展一段糾纏不

由薛凱琪（Fiona）、張智霖（Chilam）、王陽明主演的網劇《蝕日風暴》，正於「黃Viu煲劇平台」播出，Fiona在劇中周旋於兩大型男Chilam、王陽明之間，發展一段糾纏不清的三角關係。兩大型男傍實，難怪Fiona自言是她的莫大福氣：「身邊全部朋友，不論男女，都好羨慕我跟他們合作。」

讚袁詠儀轉數快

對於兩位型男的感覺，她直言合作前以為王陽明好cool，但現實中卻非常溫柔、友善：「王陽明好細路仔，又非常friendly，我同佢火速成為好友，我覺得佢樣貌同真實年齡有反差。」
至於Chilam，Fiona指跟對方合作前，一直覺得對方很聰明，合作後發覺Chilam比她想像中更聰明：「Chilam同佢老婆袁詠儀（靚靚）同樣轉數好快，同佢拍戲好高興，因為大家好快有結論場戲應該點做、點樣令效果更加好。而且認識佢之後，發現佢原來好搞笑。記得有次同佢、佢老婆一齊玩啤牌，我同Chilam講：『你同靚靚真係贏咗好多！』佢一秒之內即答：『梗係啦，我哋兩個係夫妻肺片！』」
跟兩位靚仔於拍劇時朝夕相對，如果現實中要Fiona在Chilam、王陽明之間揀一個，她會選擇誰？她想了一想，表示一位是智慧型，另一位是暖男型，不過兩人都不是她的「那杯茶」：「哈哈！因為現實中嘅我，絕唔會揀有婦之夫！」