歌手張敬軒(軒仔)昨日到銅鑼灣出席其演唱會DVD簽唱會,即場獻唱之餘又與粉絲大玩遊戲,粉絲以「降兩度」造型現身大騷舞姿,其後軒仔更為數百名歌迷在DVD上逐一簽名留念,吸引大批粉絲逼爆商場!
版權製作費超貴
軒仔透露推出DVD一波三折:「因為『降兩度』唱opening嗰part唱咗好多國際天后嘅歌,好似美國、韓國、印度、泰國,要畀版權費,其中Beyonce首歌《Crazy in Love》,版權費就要一百萬,所以無收錄,淨係首串燒歌嘅版權費連製作費就要二三百萬。今次賣大包,有三隻DVD同三隻CD,因為買實體產品嘅人愈來愈少,所以想做得吸引啲。」
盼頒獎禮中叫糊
軒仔指今天會推出今年最後一首主打歌,希望憑此曲在年底的頒獎典禮中叫糊。他又大讚周柏豪及陳柏宇的歌好聽,自己會畀心機,大家公平競爭,他自言要開始為頒獎典禮作宣傳,例如將舉行音樂會及推出一系列與DJ Donald(唐劍康)在澳洲拍攝的旅遊特輯。
另外,軒仔表示其投資的法國餐廳,已重金禮聘一位法國米芝蓮三星的廚師來港主理,花好多錢都值得,希望能培訓香港新一代法國廚師。<文>陸曼美 |