薛家燕一連兩場《愛你無限60年演唱會》前晚在紅館開騷,人緣極好的她獲眾多好友捧場,而且嘉賓亦不少,其中王梓軒與閃爆街舞造型的家燕姐跳hip-hop舞唱《弟子規》;另一嘉賓謝天華以一身黑紅西裝與火辣女dancer挑機晒舞技,但見到身穿鮮紅色拉丁「戰鬥格」舞衣、裙尾流蘇間若隱若現美腿的家姐上台後,便拋棄女dancer與家燕姐共舞,兩人面貼面邊跳邊唱《再共舞》,令全場觀眾尖叫!
天華公主抱觀眾拍掌
其後天華更跳到要除衫,還問家燕姐是否介意?家燕姐即說:「我唔介意你除,但大家會介意我除!」二人跳到最後,由天華雙手「公主抱」起家燕,觀眾睇到拍爛手掌。 曾與家燕姐合作客串主持《流行經典50年》的古巨基亦有任嘉賓之一,家燕姐換上黐有七彩飾物的黑裙與基仔合唱《友共情》,期間基仔要求摸家燕姐額頭上的神癦,全場觀眾尖叫,最後基仔笑言自己似奪對方初吻,更摸完又摸,摸捉四次,而家燕姐亦形容這粒癦是明燈,一路上照住她遇到不少貴人,接住兩人再手拖手到台邊與觀眾握手。
三子女獻花獻唱催淚
其後家燕姐的三位子女在尾段上台獻花兼向媽咪唱《You Raise Me Up》,家燕姐忍唔住感動落淚:「真係好感動,細個嗰陣人哋話佢哋三個係包袱,但我覺得佢哋係我嘅推動力,令我用盡力去養大佢哋。」encore環節有王祖藍、阮兆祥及李思捷的福祿壽出場合唱《熱情的沙漠》,還與家燕姐一齊教現場觀眾跳十字步,為演唱會劃上完美句號。 |