藝人陳松伶（松松）接受港台《舊日的足跡》節目主持車淑梅訪問，分享生活點滴及與丈夫張鐸的浪漫史。松松最近到廈門探老公班，不慎在雨中跌倒，更連翻幾個觔斗，更暈低15秒，她的面撞瘀了，膝頭更掉了一塊肉。其實這一次並非松松首次腳部受傷，她在17歲時放學回家煮飯，煲了眉豆雞腳湯，誰知把湯打翻了，燙到自己的腳，又跌傷了屁股，住院和在家休息各一個月，現在腳上還留有疤痕。
見到靚仔嗒糖
復元後，松松拍攝她首部電視劇《天涯歌女》，她當時只有17歲，與23歲的黎明對戲會否感到意亂情迷，松松說：「當時除咗黎明，仲有郭富城、林家棟、黎耀祥，佢哋都有教我演戲。依家佢哋已經係獨當一面、首屈一指嘅實力派演員。」至於與他們合作，有沒有談戀愛的感覺，松松直言：「一見到已經嗒晒糖，好靚仔，好容易入戲，不過只係甜滋滋咁閃咗一下，因為我實在太忙，除咗背對白，仲要做功課。」
情緒曾出問題
松松在33年前加入TVB，並在2005年離開。問到松松被指當年離開時被傳有情緒病？她說不想細究原因，反而想分享自己重新振作的經歷。她坦言覺得其他人，甚至藥物都不能幫助自己變得強壯，一定要自愈，要自己照顧自己：「好彩我喺上海工作嘅時候，遇到張鐸，佢畀咗我好大嘅空間。最差嘅情況係曾經唔想見人，唔想出門口，不過我依家已經好番，唔想再提！」遇上張鐸的時候，松松以為他的年紀比自己大，怎料他竟比自己小8年，松松的反應是「得啦！多謝晒，唔使喇！」起初她覺得這是一個錯誤的決定，但最終被張鐸感動了。
搜尋新聞
