男團MIRROR成員姜濤、Ian（陳卓賢）及Anson Lo（盧瀚霆）昨日到銅鑼灣出席復活派對，吸引逾千粉絲蜂擁支持，場面震撼。適逢本月30日是姜濤的20歲生日，經理人花姐特別向他送上生日蛋糕，更獲全場粉絲齊唱生日歌，不過這份驚喜卻嚇親姜濤，事後他說：「咁大個仔，最surprise都係呢個。」他表示生日正日會舉行兩場生日會，與粉絲一起度過。

分享減壓方法

活動上，姜濤、Ian、Anson Lo除了分享自己由參與《全民造星》，到成為炙手可熱的MIRROR成員，當中所經歷過壓力爆燈的回憶及平日減壓方法外，亦大爆其他MIRROR兄弟的壓力事。

姜濤表示作為公眾人物，言行舉止令他感到壓力，問到如何減壓？姜濤說：「我鍾意食鹹嘢，所以好矛盾，因為我好易肥。」Anson Lo則說：「我鍾意食蛋糕，宵夜會食甜品，因為食甜嘢會開心啲，雖然食完會水腫，但都會食。」Ian選擇做運動、彈琴減壓：「出身汗會舒服啲，我以前好肥，大約160、170磅，當時未完全發育，中一二開始做運動就瘦番。」