天王郭富城(城城)、袁詠儀(靚靚)、丁子高、Taylor Hill及倪晨曦等昨日到尖沙咀出席護膚品牌活動,靚靚以黑色性感晚裝赴會,自言為出席活動而「少食多餐」收肚,更笑指嚷着要減肥的丈夫張智霖(Chilam)身形似多啦A夢,並指Chilam起碼要減20磅,又指他身體抵抗力差,容易被人傳染。
充實自己要自強
靚靚指Chilam飲食方面「自制唔夠」,但卻笑言:「佢其他方面自制夠咪得囉!」問她是否暗指許志安與黃心穎的偷食事件?靚靚說:「人哋嘅事唔講喇,係朋友就收聲。(擔心老公有飛來蜢?)我老公有講,話呢個世界無話無咗邊個唔得,唔係????實就無事。」靚靚表示會充實自己,盡量自強。問到覺得搭的士無私隱?她表示有兩個司機,搭的士機會少。她直認與許志安太太鄭秀文(Sammi)相熟,心底裏有少許擔心對方情緒。
丁子高劃清界線
另外,「安心」偷食當晚與一班朋友飯聚,其中一個座上客丁子高昨日亦有在場,丁子高說:「當日係一齊食飯,有朋友生日。」對於黃心穎與許志安關係是否很密切?丁子高說:「無乜回應,唔係成日見到。」問到與誰熟絡,他說:「有時同劉浩龍,安仔有時都會見到,有時一齊滑雪。」對於黃心穎何時走入許志安、劉浩龍的圈子,他說:「唔清楚,同佢唔熟。」對於事情會否震驚,他說:「呢啲人哋嘅事唔回應。」
城城爆囡囡貪靚
同場的城城表示今年53歲,廿幾歲開始護膚,又笑指自己年輕時因化妝而多粉刺,近年為扮演孫悟空及露宿者更搞到皮膚敏感,所以現在半年去做一次facial,等皮膚復原。他又表示囡囡貪靚,歲幾人仔已攞媽媽的唇膏搽,又攞粉撲拍面,有個手袋仔。」再被追問太太預產期,城城繼續封口:「下次先同大家分享!」 談到內地放寬合拍片政策,城城認為是好事,令多些內地觀眾認識港產片,香港製作人要團結,終極目標應該是全世界都欣賞到港產片。而靚靚亦認為是好事,尤其對新人及新導演來講多了機會,如果稅項方面多些優惠更好。 |