藝人陳凱琳（Grace）昨日出席活動時談及剛過去的母親節，她表示老公鄭嘉穎沒有送禮物，而剛滿三個月的囝囝定性了及好乖仔，是最好的母親節禮物；Grace又大爆請了髮型師為囝囝剪頭髮，她更將囝囝的第一束頭髮收藏，被嘉穎取笑：「使唔使呀？」<文>娛樂部<攝影>梁迺枬
陳凱琳（Grace）和李美琪（Monnie）昨日到旺角出席品牌活動，擔任司儀的歌手林奕匡太太李靄璣，身上的tube dress不慎下滑，露出內裏的nude bra。Grace即場為粉絲壓製皮革卡片套，她笑言印有名字的私人禮物特別有意義，更希望可以設計家庭裝，因喜歡做些個人化的禮物，故將來亦可考慮做給老公鄭嘉穎和兒子。Grace表示朋友已送了Mommy's boy和Daddy's little king字樣tee給兩人，她與老公會輪住着。
屋企食飯慶祝
提到剛過去的母親節，她是第一年以母親身份度過，Grace說：「第一個母親節特別有意義，都係簡單喺屋企食飯，因為BB太細個未出得街，以免BB哭鬧時騷擾到人，不過佢好乖，剛滿三個月，定性咗，無喊咁多。」
問到老公嘉穎有否送禮？Grace說：「無呀，佢有問我想要乜，我諗唔到，依家已經好滿足，母親節係仔送禮物畀我，佢乖已經係一份大禮。（計劃如何慶祝嘉穎第一個父親節？）好彩無叫佢送母親節禮物咋，如果唔係要送番父親節禮物畀佢，叫個仔再乖啲當係禮物啦。」Grace又爆替囝囝剪頭髮，兩公婆怕弄傷愛兒，故邀請了髮型師操刀，她更即時將兒子的第一束頭髮用袋收起留念，被嘉穎取笑：「使唔使呀？」Grace還透露已珍藏了BB的臍帶和腳印仔等。
李美琪想改名
另外，同場的Monnie透露正在拍攝Viu TV新劇《Me Too》，這是一部以辦公室性侵案作題材的劇集，又要準備7月的舞台劇。Monnie表示很開心新劇能與梁漢文和張慧儀合作，因劇集性侵的敏感話題，她稱角色也會經歴其中，但慶幸現實中無遇上：「我細個有名叫鐵沙掌同男人婆，男仔唔會吼，當我係兄弟，劇入面我嘅上司涉及性侵，但身邊有朋友有遇過已婚上司嘅不倫戀，非禮下屬呢啲，依家好似好普遍。」
而Monnie又透露有改名打算，她說：「我有睇相，想改個名幫到事業，不過依家隔幾年就有個美琪出現，我發覺美琪係永恒不死，師傅話我屬金，但要再多啲，金係咪代表金錢？我都想賺多啲錢。」 |
搜尋新聞
