組合C AllStar休團這一年間,成員梁釗峰推出了首張個人專輯;何建曦(Jase)進軍文壇出書做作家;吳崇銘(King)打碟打上國際舞台。三位兄弟都各有發展,陳健安(On仔)就慢工出細貨,籌備一年,終於第一首派台歌《一吻穿越四十六億歲》面世。 除了出動代表「勇敢」的444天使密碼為新歌加持,On仔三顧草廬,從美國邀請曾經為林憶蓮、張惠妹、王力宏、陳奕迅等天王天后,製作專輯的Jim Lee為自己的頭炮新歌監製。
風景浩瀚
新歌由On仔親自作曲,當中「四十六億歲」是指地球的年歲。他說:「好想寫一首歌表達『活在當下』,將自己嘅想法同填詞人講,佢好有共鳴。雖然一個吻嘅時間好短,但搵到呢個當下最深愛嘅人,呢一刻可以投入到忘我,將自己過去與未來都完全忘記,無咗時間或時空。如果要用畫面去表達呢個咁忘我嘅境界,最適合就係以好靚好靚嘅大自然風景表達。於是MV導演帶他飛去濟州的『涉地可支』,當地嘅森林、芒草草原、火山岩漿形成嘅黑海灘等,風景非常浩瀚,好壯觀!」 On仔請了兩位朋友客串演出,一位小朋友和女主角Marina。鏡頭前On仔與Marina手拖手爬上山峰,演繹吻前一刻浪漫氣氛,鏡頭後衣衫單薄的她幾乎被大風吹倒,每次導演一嗌停機,On仔就揭開大褸攬住Marina給她溫暖,笑言浪漫也有代價。 |