藝人周秀娜昨日到尖沙咀出席護膚品牌活動，早前與兩名女性朋友去南美旅行三星期的她透露，其間在玻利維亞因水土不服要向男fans求救，對着美景天空之鏡都忙於去洗手間，她大呻去了一個又長又辛苦的假期：「去咗三個星期，自己有水土不服，又唔見咗行李，好似乞兒，着住同一套衫，好彩同兩個女朋友去，開頭嗰幾日都係問佢哋借啲日用品，除咗最貼身嘅嘢喺當地街市買。」
被荷蘭男搭訕
她又說：「到了玻利維亞又遇上水土不服肚屙，嗰度每去一個洗手間都要畀錢，我哋咁啱三個身上都無現金，好彩遇到一個香港人，佢係我fans，我屙唔屙到都靠佢。（女神形象破滅？）我嘅人生大事呀，唔理得咁多啦，自己都差啲虛脫，嗰度又曬又大，不過都係一個好好嘅體驗。」而她食飯期間曾遇上兩個荷蘭男士搭訕，但因網絡訊號差，事後沒有交換電話，但對方都有去天空之鏡旅遊。她又表示返香港之後即刻復工，還要拍談情戲，但自己魂魄都未齊。
搜尋新聞
