藝人蔡思貝、楊明、張寶兒、謝東閔、楊潮凱等昨日出席劇集《鐵探》快閃行動，主角袁偉豪（Ben）原本有份出席，但因要拍攝《打工捱世界II》而注射防疫針後出現輕微發燒，故缺席活動。身為Ben女友的寶兒稱對方只是微燒，加上今天要上機，公司怕他太辛苦着他好好休息。

被惠英紅致謝詞感動

眾人在旺角行人天橋上表演唱歌，思貝表示觀眾不夠給力：「夠33點先會用絲襪笠頭，今日笠住件T恤先。不過好開心，開播以來收視報捷，喺香港同內地都一致好評。」思貝與楊明在劇中有感情線，問到會否有親熱鏡面，她坦言沒有，反而會有心噏戲，心情會好似坐過山車，還有很多人死。」

提到同劇的惠英紅獲金像獎最佳女配角，問會否為她慶祝？思貝說：「希望啦！但我相信佢有好多慶祝飯局，應該好忙。」

她表示在社交平台恭喜了小紅姐，又大讚小紅姐在得獎致謝詞講得好好，不計較酬勞去支持香港電影及新人，前輩去照顧後輩，令她覺得好感動。

張寶兒為男友執行李

有份與拍攝《打工捱世界II》的楊明表示今日出發哥倫比亞拍攝，會逗留18日。他說：「原本監製話食藥就可以，但我哋去到診所，醫生話我哋有兩支針未打。Ben打完針有少少反應，我就無唔舒服。」

楊明指此行有準備大量蚊怕水及小量乾糧，希望不會像上一輯那麼辛苦。他笑言上輯有張寶兒做嘉賓，這輯沒有安排女藝人：「當地出名選美同模特兒，我哋會喺當地搵啲靚女做培訓。我就做導師，Ben負責培訓啦！」

問寶兒當地美女如雲會否擔心？她說：「唔驚，反而怕佢唔安全，擔心嗰邊治安。」她提醒楊明去熱帶雨林要穿長褲，又指會為Ben執行李。問到楊明女友莊思明可有為他執行李？他說：「佢有叫我小心啲同買罐頭畀我，但我攞番出嚟，因行李有重量限制。」