歌手许廷铿(Alfred)、郑融及陈健安等前日在油塘出席活动,提到上月29日是Alfred的31岁牛一,他惊觉时光飞逝,转眼入行10年:「记得参加比赛嗰时,介绍自己係牙科学生,21岁。(10年有甚么感觉?)都仲年轻,而且机能都ok,希望唔好肥番,但如果我无做呢行,身形会胀大,我好钟意食嘢兼做牙医成日坐,见到啲同学都唔止肥两个码!」他表示将来演唱会可以骚身体线条,但不想像吴业坤这么瘦,林欣彤亦叫他不要太瘦,因为鼻大,太瘦会显得更大。问到生日愿望是甚么?Alfred希望保持身形,亦盼新歌《单数》能受欢迎。
雪藏点会仲拍剧
对于有传胡鸿钧自夸比林峯劲而被公司雪藏,Alfred力撑说:「佢唔会讲呢啲说话,我生日佢赶过嚟玩一阵返去拍剧,如果雪藏点会仲拍?呢啲新闻得啖笑,佢唔会(自大),我就会讲笑话叻过胡鸿钧。其实每一个巨声帮都尽自己能力做好每件事,佢哋拍戏、唱歌好多瓣数,我都自愧不如。」
同场的郑融问到关心社会那个类别?她说:「希望可以争取多啲产假。(要生啦?)唔係,唔关事,係我见朋友生完好辛苦就要返工,好难兼顾凑BB。又或者多啲妇女培训,至于自己呢个行业,希望政府多多支持艺术、演艺界嘅发展。」郑融指外籍男友亦有资格在港投票:「佢好关心社会、政治,会留意新闻。」 <採访、摄影>陆曼美