结婚三年多的王祖蓝和李亚男（Leanne），昨午于社交网宣布有喜，更上载超声波照片，昨日更是二人拍拖九周年纪念日，选择在如此特别的日子公布喜讯，着实相当浪漫。对于结婚三年多终荣升爹哋，祖蓝笑谓：「首先好感恩啦，可以喺拍拖九周年纪念日去宣布呢件事，我哋拍拖嗰时係2009年，咁啱九年后有个小朋友，咁希望所有嘢都可以长长久久啦。亦都好感谢上帝，帮我哋安排晒所有嘢都喺计划入面进行，之前应承过Leanne搬出嚟二人世界之后，过两年左右先有小朋友，依家真係实现到，真係好感恩。」

大赞公司旺丁

祖蓝又笑谓其公司十分旺丁：「我哋先后有两个员工有咗，依家计埋我老婆就三个人，咁如果想生B，入嚟我公司做啦！」祖蓝更叮嘱大家帮忙「睇住」老婆，尽显「暖蓝」本色：「做妈妈真係好辛苦架，佢为BB付出咗好多，又睇书啦，又改变自己饮食习惯啦，又好紧张去预备好多嘢啦，所以麻烦大家照顾吓佢啦。」祖蓝亦不忘搞笑本色谓：「大家最近除咗睇法国定克罗地亚赢呢？我建议开多个盘，就係究意将来BB嘅高度係会似我定似阿妈呢？相信都几啱用嚟打牙骹战。」

向钟嘉欣取经

而向来十分喜欢小朋友的李亚男则表示：「好开心终于做妈妈喇，第一时间知道嗰阵真係好惊喜，同埋有啲唔敢相信。因为我哋虽然係plan今年做爹哋妈咪，但没谂过咁快就实现到，真係好感恩。其实仔定女我都没所谓，因为我都会好钟意。最紧要係BB嘅成长过程够健康，同埋佢嘅成长够开心快乐。」李亚男又谓已向amazing esther一众好姊妹分享喜悦：「我有向Linda（钟嘉欣）同宋熙年取经，问定佢哋有咩嘢唔食得，同埋可唔可以做运动，真係好多好多问题想问，始终自己无经验。」

她又谓为了BB着想，已对十分喜欢的食物尽量say no：「我食少咗好多甜品，同埋饮少咗好多咖啡呀，我以前可以一日饮几杯架。虽然呢啲都只係好小嘅事，但已令我体会到做妈妈係需要付出好多嘅爱。」李亚男又承诺现阶段会好好take care自己，多点休息，果然为升呢妈咪做足准备。