我每次返日本都會食日本嘢。
雖然依家香港好似無咩日本嘢食唔到,壽司、刺身嘅鮮度同喺日本國內食相差不大,但要食道地海產,即日鮮,當然都係飛去當地食最好,而且平好多呢!
上次返去,因工作要去品川,已經係相隔十年無去過,個車站大咗又靚咗,Shopping Mall、生活雜貨店、餐廳、高級超市琳瑯滿目,全部都走中高生活品味,超市都有好多有機蔬果、歐陸進入食品等,真係好潮好正。據說品川會打造成東京站之後第二個交通輸樞,重點城區,所以仲擴建中,會愈來愈靚,愈多人氣呢!
剛好是食晏時間,見好多間餐廳都裝修時尚,因好耐無喺日本食西餐,入咗間意大利餐廳。Lunch Menu 係Semi-buffet,揀完主菜 (Pasta或飯類)就可以自由去沙律吧取食物,全部係七彩日本產新鮮蔬菜、仲有幾款有Detox效果蔬果汁,真係食正女士潮流,所以一下子就坐滿 OL一族,但都見唔少西裝族,或者呢種飲食已成為潮流指標啊。
蔬菜本身好甜好好味,唔使加 Dressing都得,可以任添。
至於主菜Pasta,有欖油紅椒椰菜意粉、櫻花蝦醬油味意粉等,雖說是意大利Pasta,但善用日本食材做出西日混合特色,簡單而味道唔會寡,好夾好好味啊!
AW 55 場所:品川駅内東京都港区港南2丁目18−1 電話:(81) 03-6717-0914
【Kei San 小檔案】 日本北海道出生。居港超過三十年,能操流利廣東話,年輕時出國留學,畢業後走訪海外多國工作的關係,練就出獨立自「煮」的好手藝,對食材的選擇也有心得,因此被傳媒發掘,活躍於各大報章雜誌的烹飪示範及美食專題,更有幸參與不少電視節目演出及主持,是料理達人及美食家,日本飲食文化的傳道者。
圖說 1)沙律吧雖小,但樣樣菜見到都想食,夠新鮮。
2)餐廳內天花都掛滿植物,好綠色生活。
3)唔好以為淨得椰菜,但菜甜,加少少椒味胡椒都好夠。
4)呢個櫻花蝦意粉,好al dente,冶味㗎 ! |