本欄作者Kei San

當地種嘅葱特登種成個勾咁

甘酒有天然酵素，加熱飲，好暖身

明信片設計有大內宿茅屋、會津吉祥物等

大內宿冬天十分大雪，積滿茅屋頂好古樸

本欄作者Kei San

當地種嘅葱特登種成個勾咁

今年日本冬天特別寒冷，連東京、九州等都落大雪，搞到交通好混亂呢。對好少有機會體驗落雪嘅外國旅客嚟講，當然係好吸引有趣嘅經驗。好似北海道、立山黑部、白川郷呢D雪景好靚嘅旅遊點就吸引不少旅客。冬天去滑雪、浸浸溫泉消除疲勞，真係冇得頂！

白川郷數百年歴史嘅茅草屋，令人覺得時光倒流，好樸實嘅古村，冬天積雪真好童話感。其實要搵咁嘅古村日本仲有其他選擇，南會津就有個叫大內宿嘅地方，位於山中，古時係好繁盛嘅驛站，夏天山野碧綠，冬天茅屋頂積雪，好有詩意呢！

大路兩邊嘅茅屋依家成為唔同手工藝小商店、食肆，可以雪中邊飲暖笠笠嘅甘酒，食下小食，亦有當地特色嘅明信片，可以畀人即寫即寄，係好特別嘅紀念。

大家記得要試當地好有特色嘅大葱蕎麥麵，唔用筷子，係用修種成彎彎形嘅大葱勾起D麵食，好玩又好食呢！

【Kei San 小檔案】
日本北海道出生。居港超過三十年，能操流利廣東話，年輕時出國留學，畢業後走訪海外多國工作的關係，練就出獨立自「煮」的好手藝，對食材的選擇也有心得，因此被傳媒發掘，活躍於各大報章雜誌的烹飪示範及美食專題，更有幸參與不少電視節目演出及主持，是料理達人及美食家，日本飲食文化的傳道者。

圖說
1)當地種嘅葱，好甜，特登種成個勾咁，用嚟代替筷子食麵。

2)甘酒有天然酵素，近年日本好流行，加熱飲，好暖身。

3)明信片設計有大內宿茅屋、會津吉祥物等。

4)大內宿冬天十分大雪，積滿茅屋頂，好古樸。