2019年 12月 13日
星期五
   | 氣 溫 : 19 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

[㗎仔遊食]東京神樂坂の鮮魚日本料理店
發佈日期 : 2019-03-07

本欄作者Kei San
呢個group仲經營幾間烏賊中心
塩辛及鯖魚乾,送燒酎可以提鮮
用鯛魚刺身及皮做嘅醬油漬
沉穩色調,可以令人更放鬆
本欄作者Kei San
呢個group仲經營幾間烏賊中心

各個日本粉絲,去過東京JR飯田橋一帶食嘢嗎?有無聽過「神樂坂」呢個名?


呢附近有好多料理店,可能旅遊書較少介紹,所以無咁多外國遊客識去。神樂坂係個優靜嘅住宅區,有數間歷史悠久嘅「料亭」。所謂料亭,係日本政治家密談嘅地方,私隱度較高,而大企業社長等都喜歡喺料亭傾大生意,協議等。除咗料亭外,亦有一般中產都可負擔得起嘅餐廳,由日本料理至Casual Café Style都有,亦有外國人廚師擔當嘅意大利菜、法國菜等,形形式式。


有朋友都進駐咗神樂坂,店名叫「銀座魚ばか はなれ/Ginza Uo Baka Harare」。特色係平價提供新鮮海產料理,因佢地拍檔好幾位係各地方魚市場買手,所有物流運輸都一手包辦,喺魚市場入完貨就直接送店,唔使再經幾重,成本降低咗好多,鮮度亦毋用置疑。


店位置喺大街轉入嘅住宅區,旺中帶靜,有坐吧檯亦有枱椅選擇,純和風裝修令人好舒服踏實。


我較鍾意坐吧枱,可以睇到板前師傅處理海產嘅手藝同刀功,又可以聽師傅介紹唔同產地海產特色,料理方法等,既學習亦都增添進食享受樂趣,食得更有味道呢!


呢度仲有個好處,客人可自由Order海鮮做法,刺身、燒、天婦羅、壽司…等,當然店員同師傅都會建議,或畀意見每類海產啱做咩啦。呢度嘅大廚店長曾喺香港三年開店,因租太貴,最後決定回流日本,所以都識少少廣東話架。


如果想食得舒服D,唔使同好多遊客一齊迫,呢度值得推介呢!


銀座魚ばか はなれ/Ginza Uo Baka Hanare
地址:東京都新宿區神樂坂3丁目6神樂坂館BLDG3F


[Kei San 小檔案]
日本北海道出生。居港超過三十年,能操流利廣東話,年輕時出國留學,畢業後走訪海外多國工作的關係,練就出獨立自「煮」的好手藝,對食材的選擇也有心得,因此被傳媒發掘,活躍於各大報章雜誌的烹飪示範及美食專題,更有幸參與不少電視節目演出及主持,是料理達人及美食家,日本飲食文化的傳道者。



圖說
1)呢個group仲經營幾間烏賊中心,烏賊刺身係照牌菜,點可唔食。


2)塩辛及鯖魚乾,都係鹹鮮濃濃魚香,送燒酎可以提鮮,一流。


3)用鯛魚刺身及皮做嘅醬油漬,剛好濃縮咗魚鮮味,口感一流。


4)沉穩色調,可以令人更放鬆享受一餐。

您可能有興趣:


首頁