最近走访岩手县花卷市,同白金豚(Platinum Pork) 生产者高桥社长饭聚。日本嘅豚肉料理,究竟有几多种类呢?作为日本人嘅我被问起,会即时谂起炸猪扒、Shabu Shabu、Pork Steak。
平时日常生活好似好多机会食豚肉,好肉食Lunch会有豚肉丼、炸猪扒,夜晚去居酒屋都会食豚肉串烧,但係咪食好多呢,又如似唔係呢。点解?可能豚肉总比人觉我脂肪多,油腻,唔应该食咁多嘅印象。但当係了解多D,原来豚肉都有不同品种同品质,油脂都有唔腻,好爽嘅品质。其中今次特吃去食嘅就係岩手县白金豚。
听高桥社长讲,猪同人类BB一样,喺近离乳期时,母乳嘅免疫力开始下降,体质会变弱。因此,离乳期期间,要准备适合成长,环境设备佳嘅「离乳舎」畀佢地,好好保护。
岩手县当地嘅Mineral Complex有丰富山泉资源,成为猪只饮用水,可令猪肉肉质更柔软,肉味圆浑自然,无羶味。
当地有豚肉专门店,我就试咗个白金豚Full Course,依家介绍下部分 Menu。豚肉角煮,即係炆五花腩,主要係酱油、糖调味,好腍好腍,油分令肉变得好松,而唔腻。呢度嘅Shabu Shabu就配个豆乳汤底,腩肉及猪扒肉都有,轻轻灼2秒就可以,好爽身。
豚肉火腿低温慢煮,感觉似生火腿。另外,炸豚肉、豚肉天妇罗都有,真係咩日本料理都可以用豚肉做主食材。每道菜之间都间有当地新鲜蔬菜,如大根沙津、可以清清味道,而且蔬菜酵素可帮助消化呢。
个人感想,以前都比较怕食肥猪肉,尤其白色嘅脂肪,次次食都感觉好「济」,好难消化咁。依家自己都咁大个人,成餐都豚肉,依然食得好舒服,唔会顶住顶住个胃咁。所谓嘅脂肪品质,唔係只有饱和脂肪,亦有不包和脂肪,就係咁嘅分别吧。今次真係大开眼界,学咗好多,豚肉料理嘅可塑性原来好高呢!虽然靓肉係贵一D,一分钱一分货,对身肉都好D。
源喜屋 地址:岩手県花巻市花城町12-14 网页:https://hanamaki.genkiya.co.jp/
[Kei San 小档案] 日本北海道出生。居港超过三十年,能操流利广东话,年轻时出国留学,毕业后走访海外多国工作的关係,练就出独立自「煮」的好手艺,对食材的选择也有心得,因此被传媒发掘,活跃于各大报章杂志的烹饪示范及美食专题,更有幸参与不少电视节目演出及主持,是料理达人及美食家,日本饮食文化的传道者。
图说 1)呢个係角煮,睇下D汁几清,油都好少呢 !
2)呢个就係低温慢煮火腿,粉红肉色,好柔软。
3)+(4)白金豚嘅肉色好靓,用豆乳汤轻灼至紧紧熟便可,肉好滑。
5)此店都好大,由单品料理至豚肉套餐都有,当地好受欢迎。 |