大家时时听北海道三大名蟹,包括鳕场蟹、松叶蟹、毛蟹;而第四大蟹就係花咲蟹。佢个名其实係来自产地,即係北海道根室市花咲港,以嗰区捕获数量最多,所以叫花咲蟹。
花咲蟹天然嘅蟹壳颜色呈渐变紫色,煮熟后变为好鲜艷赤红。甲壳呈心形,好浪漫呢,不妨拍拖晚餐请女友食啊!
此蟹喺北海道係珍贵嘅蟹种,唔係常常食到嘅,旧时可能产量多D,普遍D,但近年资源减少,政府规定唔可以捉雌蟹、亦限制只可以捉几多cm以上大嘅蟹。其实北海道蟹产量全面减少,唔单只花咲蟹,所以品种嘅价钱都不断上升。
记得我小时候喺北海道,叔叔会就咁盐水烚蟹食,如果捉到雌蟹,会做味噌蟹汤,因为蟹味浓,汤特别好饮。花咲蟹雌蟹特别多子,食时卜卜卜卜,口感有D似鱼子、又甜又香,依家想起都好怀念,好想食。
其次会烧,炭火BBQ,因蟹已有海水味, 完全唔使多加调味。蟹脚可烚熟或盐烧,蟹盖膏及蟹身肉可以做釜饭,成为好有风味嘅有味饭。蟹真係全身都唔会浪费,就算蟹盖都可以盛酒饮呢!花咲蟹蟹肉味好独特,有D似龙虾味,肉质结实,味道好唔同,依家係Season,不妨试下呢!
渔获浜焼 地址:铜锣湾轩尼诗道525号澳门逸园中心18楼 电话:2575 5677
[Kei San 小档案] 日本北海道出生。居港超过三十年,能操流利广东话,年轻时出国留学,毕业后走访海外多国工作的关係,练就出独立自「煮」的好手艺,对食材的选择也有心得,因此被传媒发掘,活跃于各大报章杂志的烹饪示范及美食专题,更有幸参与不少电视节目演出及主持,是料理达人及美食家,日本饮食文化的传道者。
图说 1)睇下几好肉,肉质比一般蟹实净有咬口。
2)蟹膏、肉及盖可煲有味饭,好浓蟹味。
3)花咲蟹壳好多钉刺,呈少少心形,大家睇到吗?
4)蟹脚粗大有肉,烧最好味。
|