最近走訪岩手縣花卷市，同白金豚(Platinum Pork) 生產者高橋社長飯聚。日本嘅豚肉料理，究竟有幾多種類呢？作為日本人嘅我被問起，會即時諗起炸豬扒、Shabu Shabu、Pork Steak。
平時日常生活好似好多機會食豚肉，好肉食Lunch會有豚肉丼、炸豬扒，夜晚去居酒屋都會食豚肉串燒，但係咪食好多呢，又如似唔係呢。點解？可能豚肉總比人覺我脂肪多，油膩，唔應該食咁多嘅印象。但當係了解多D，原來豚肉都有不同品種同品質，油脂都有唔膩，好爽嘅品質。其中今次特吃去食嘅就係岩手縣白金豚。
聽高橋社長講，豬同人類BB一樣，喺近離乳期時，母乳嘅免疫力開始下降，體質會變弱。因此，離乳期期間，要準備適合成長，環境設備佳嘅「離乳舎」畀佢地，好好保護。
岩手縣當地嘅Mineral Complex有豐富山泉資源，成為豬隻飲用水，可令豬肉肉質更柔軟，肉味圓渾自然，無羶味。
當地有豚肉專門店，我就試咗個白金豚Full Course，依家介紹下部分 Menu。豚肉角煮，即係炆五花腩，主要係醬油、糖調味，好腍好腍，油分令肉變得好鬆，而唔膩。呢度嘅Shabu Shabu就配個豆乳湯底，腩肉及豬扒肉都有，輕輕灼2秒就可以，好爽身。
豚肉火腿低溫慢煮，感覺似生火腿。另外，炸豚肉、豚肉天婦羅都有，真係咩日本料理都可以用豚肉做主食材。每道菜之間都間有當地新鮮蔬菜，如大根沙津、可以清清味道，而且蔬菜酵素可幫助消化呢。
個人感想，以前都比較怕食肥豬肉，尤其白色嘅脂肪，次次食都感覺好「濟」，好難消化咁。依家自己都咁大個人，成餐都豚肉，依然食得好舒服，唔會頂住頂住個胃咁。所謂嘅脂肪品質，唔係只有飽和脂肪，亦有不包和脂肪，就係咁嘅分別吧。今次真係大開眼界，學咗好多，豚肉料理嘅可塑性原來好高呢！雖然靚肉係貴一D，一分錢一分貨，對身肉都好D。
源喜屋
地址：岩手県花巻市花城町12-14
網頁：https://hanamaki.genkiya.co.jp/
[Kei San 小檔案]
日本北海道出生。居港超過三十年，能操流利廣東話，年輕時出國留學，畢業後走訪海外多國工作的關係，練就出獨立自「煮」的好手藝，對食材的選擇也有心得，因此被傳媒發掘，活躍於各大報章雜誌的烹飪示範及美食專題，更有幸參與不少電視節目演出及主持，是料理達人及美食家，日本飲食文化的傳道者。
圖說
1)呢個係角煮，睇下D汁幾清，油都好少呢 ！
2)呢個就係低溫慢煮火腿，粉紅肉色，好柔軟。
3)+(4)白金豚嘅肉色好靚，用豆乳湯輕灼至緊緊熟便可，肉好滑。
5)此店都好大，由單品料理至豚肉套餐都有，當地好受歡迎。 |
搜尋新聞
