【講膠所／膠神】第二場跟第三場同是四班1650米分組賽事，形成兩組出賽賽駒不多，似乎是全日較容易場合。先講第二場，筆者較喜歡「活力寶駒」，上季已在谷草中距離多番接近，上仗即781場次跑第四名，同場的第一，二，三，五今季已先後交出3W1Q佳績，證明是強組水準，今季復課見莫雷拉早早霸定，今季續有進步馬應能交代。其次是終於重新落四班的「情趣」，筆者認為馬兒在三班角逐限制於跑法較不主動，長期只能跑入三四名接近名次，年老馬最好機會在此。「神龍駒」上季轉倉但未見晨操有變乖，反而經過暑假後見馬身好像變了一個肌肉猛男般，有進步。「永益善」勝在路有所長加上強配潘頓，可作配。
第三場膠神較喜愛「韻妙星」，上季在三班田草贏馬，加上兩度在三班同程入Q，5歲英國馬如今只會有進步，可惜跑法較為單一，經常要後上影響爭勝機會。上周跑三班同程在馬林只係輕鬆作賽，似乎是為今仗落班。今仗更扳上潘頓坐陣，馬膽之選。「肥仔威威」勝在年輕力壯，上季雖然有些反覆，試過大敗數十個馬位，但同時也有證明馬兒在四班強組有上名能力，今仗對手實在不強，已作次選。今場賽事確立放頭的賽駒不多，「電路一號」上季試閘擺前見走勢不差，實在今次只係第二次出賽，今仗有權變身。「盛勢」上季勝同班同程姿態不錯，用上莫雷拉可作配。