2024年 03月 19日
星期二
   | 氣 溫 : 23 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

手到回來騎練合拍
發佈日期 : 2019-12-18

楊明綸賽前密密替「手到回來」做工夫,可見其對此駒

[甘屋藏料/甘甘仔]由於今季取消過兩次谷草夜馬,因此將會在2020年7月15號補賽,跑快活谷,以補替季初所取消的2019年9月18日賽事。但同樣已取消的2019年11月13日賽事則不設補賽。所以煞科由原定的7月12號延遲至7月15號,細數返上次以谷草夜馬完結全季賽事係2012/2013馬季,葉楚航攞冠軍練馬師嗰季。今屆到目前為止練馬師榜暫時頭三位都均由華籍練馬師所佔,分別係以二十四場頭馬排第一的姚本輝,二十場排第二的呂健威,十八場排第三的沈集成,華倉能否繼續堅持到季尾呢,希望華籍練者繼續加油。
今次賽事心水係第八場「手到回來」,馬匹今季轉倉由容天鵬接手,一直養尊處優靜候機會,睇返同父系馬在港成績極佳,表表者更有「爭分奪秒」及「勝得精彩」等等,血統狀態不容質疑,今仗更換上楊明綸上陣,依個騎練組合一直成績不錯,今仗有望爭取期待已久的頭馬。「富萬家」上場轉跑1000米慘不忍睹,今次返回1200米首本路程相信會更好。「君達星」上場子彈一樣飛咁快嬴五個馬位,直沖上二班無難度,但相信沒有什麼倍率甘甘仔會用冷門拖返轉頭賭更好。「良才」10磅仔一晚只騎一隻馬,陰謀論來講必定會拖一票。

您可能有興趣:


首頁