不排除派马争香港瓶

咁都唔止，上周日薛宝力于德国取得从练首场头马，早两日又派马去法国赢咗表列赛，呢头开斋转头异地再报捷，呢个开始真係好好。Natascha仲话目前廐中已有五十驹，其中有一匹係好有级数嘅长途马，如果今季进度正常，不单唔忧没得赢，而且有机会年尾嚟跑香港瓶，美伦祝佢哋心想事成，到时真係会以全新姿态重临。

虽然薛宝力于欧洲谈不上前列高手，但始终三度荣登德国冠军骑师宝座，人缘好又有名望，一声开仓，好多昔日支持者纷纷撑场；早十几年前，佢骑「星运来」轻取女皇盃，强如「鸡尾酒」、「原居民」等都要俯首称臣，今成功转行，话唔定会有更大的成就！