「皇帝誥令」剛季在柏寶胯下三捷五班賽。

「皇帝誥令」剛季在柏寶胯下三捷五班賽。

【資料尋寶】淪落到跑五班賽的馬匹，多數不會係一流良駒，陣上必需要鞍上人騎功幫助，所以五班賽事，難免成為雷神橫行的「班次」。

回顧上季五班賽，莫雷拉取得29冠8亞11季，勝出率接近三成，上名率逾四成半，而且最難得一點，係頭馬次數比亞、季軍次數加埋更多，由此反映，雷神在五班賽搏殺準繩，良性循環下，五班機會馬更容易落入他的手中，取得的成績亦愈來愈好，而上季騎者最後一場五班頭馬，就是鄭廐「歐洲巨星」。

至於其他騎師，柏寶的五班賽成績其實不差，雖然取得11W與潘頓看齊，但其實前者季中曾經請假離港缺陣逾一個月，所以基數遠比後者為少。

柏寶五班坐騎勝出率接近兩成，上名率接近四成，其實當中有3W係來自「皇帝誥令」，最難得三捷來自不同路程或場地，反映人馬的確好合拍，雖然上季尾故劍重逢只跑第五，仍要提防新季再展開攻勢。