「金剛秀」上次贏馬已差不多兩年前。

【神祺小子／祺神】筆者之前同大家講過馬匹同人一樣，天氣會影響心情及結果，咁唔知大家有無諗過，日頭與夜晚有冇分別呢？有人話過，有啲馬唔識跑夜馬，每次表現都特別差三甲不入。確實，葉楚航馬房的一匹「深愛」在一次夜賽後報告馬匹不適應夜賽燈光所以跑得差，但之後又繼續報夜賽，可能練馬師都覺得馬匹有一日都可以適應到，其實在筆者心目中日與夜冇乜分別，都係一樣咁跑，唔同天氣，夏天和大熱天時有時真係完全唔想跑，夜馬唯一燈光同地影要少少時間適應下，一旦有一日習慣咗，破數據就係呢啲!
第一場四班2200米，「文武傳奇」今季打叠三win，愈贏愈輕鬆，佢比「型酒杯」好的地方是季內贏沙田及跑馬地兩個場地，級數一定高啲，今仗仲唔使負重磅，應該好大機會四連勝！
第二場五班1000米，「金剛秀」季初於此程上名，及後幾仗皆失望。今次休息近兩個月再戰，或會對此馬有幫助，難得潘頓會騎此廐馬匹，相信唔會無的放矢，一定要留意，行頭博W。「必定掂」上場跑田草直路賽入Q，名次較今次再同場的「欖球鑽石」為前，加上一直走較為不利的內欄，要調高實際表現，近期沙圈行圈情緒安定，期望此匹失準馬今季已跑幾場後狀態趨向穩定。「勁皇子」上季全季表現失望，今場博落五班有變數，感覺試好晒閘才出的感覺，拖住一注。「欖球鑽石」為馬房第二選擇，但操練較同場廐侶正常，上場轉倉初出於田草跑入第四，今場回師較適合的谷草，跑法相對較主動，名次會有所提升。