【任勝之言／黑豹】第十場「智力寶」季內同程已經三捷，論賽績或者比「競技勇士」略遜一籌，但本身於此程時間是一場比一場好，亦表明本身不斷進步中，距離上賽十日又再上陣，相信幕後想趁正值態好時再立功績。
「競技勇士」上場一心爭取連捷，全程走位主動，但敗於強敵不足為辱，再睇回上場頭幾名馬匹再出成績，頭馬「繽紛遊戲」再出連捷，殿軍「安騏」再出已經兩捷，以此推算，「競技勇士」絕非三班可留。
首選都幾頭痛，各有優點，若從檔位及馬房穩定性着眼，筆者會傾向「智力寶」多點，唯一係怕出閘後未能走好位，最後三，四叠轉彎，又有搏輸借口。
配腳方面，「嘉應傳奇」近仗表現穩定，改用布文應該非遊馬河。「魅影揚飛」上場劣檔起步，致頭段用多咗力爭位，但末段走勢不錯，今場抽得內檔，可再次選擇。