「跳岀世界」今季循序漸進操夠才出，可望一出即勝。

【神祺小子／祺神】今晚快活谷上演八場夜馬，採用A欄，天氣開始轉涼，各位入場記得多添外套，以免著涼。
第一場五班2200米，此場只有兩匹馬有同程根據，分別是「港林福星」及「醒目快駒」，前駒近日賽前試閘明顯狀態不足，而「醒目快駒」自購馬近兩季不斷減分，上仗留後後上第二表現有進，血統有長力根據，今場重磅馬中大多數狀態不足，搏此駒磅輕路合可交代。「金童」上場岀閘不夠快早段又較慢腳，導致落後甚多失地，直路姍姍來遲只得第三，但此駒評分已減至有利水評，另外沈拿與此駒非常合拍，跑大長途應可應付。
第二場四班1000米，今場有多駒前速飛快之馬匹，預計早段步速偏快。「跳岀世界」上季三戰同程全上名，今季循序漸進操夠才出，馬房開始展開攻勢谷草也要留意，此駒今季成熟進步可望一出即勝。
「月追越風」此程乃唯一蠃馬路程，上季轉至蘇偉賢馬房半季密跑毫無表現，到後期明顯求減分為今季部署，今場季內初出落班可看好，因為筆者認為此駒跑新鮮感特佳，買孖寶要拖實。