【過關專員／Danny Yeung】第三場「南莊加寶」屬極少數能於前李易達馬房一出即勝的自購新馬，最難得的是首仗已經贏田草1400米，可反映其能力之高，馬兒上季尾初跑谷草亦能以一貫後上跑法制敵，估計仍有不少虛分在手，唯一擔心是馬兒現階段應以1800至2000米為最適合途程，但今場有前置型廐侶同場競逐可確保步速正常，應可憑追勁後上制敵；「招多福」試閘走勢悅目，再加上近兩季均能一出即勝，屬正路副選；「嘉應之友」跑三班始終佔盡班利，但在港跑卅二場僅得一勝，繼續強配潘頓亦只能作為配腳。
第四場「索先生」上季後期健康重新納入正軌後，已在陣上見回不俗走勢，當中季尾於總場次790四班同程負頂磅亦能與當時正值當打的「赤水神駒」戰到一兵一卒，今次賽前試閘已見狀態冒勇，可趁季初對手較弱搶食頭圍；「艦長天下」剛戰排三檔起步但全程居後走二叠兼轉彎抄大外叠發力，今仗換人實屬明智之舉，誓要拼個明白；「超能量」於開鑼日跑直路賽已有機會開齋，無奈遇上場地偏差未竟全功，今次或能憑藉黃金一檔收復前失。