2019年 12月 07日
星期六
   | 氣 溫 : 14 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

夢幻戰士試閘好
發佈日期 : 2019-11-13


[桐言桐語/B女]嚟到十一月中,呢啲天氣就最適合燒烤,所以,數日前同一班好友一齊燒烤,由於我太肚餓嘅關係,一到達燒烤場之後就不停食嘢,一個鐘內冇停過,整個燒烤過程大家都好開心,每一個嘻嘻哈哈,有講有笑,呢個組合嘅歡笑聲好似好耐都冇聽過,對上一次都係好耐嘅事,好開心散場嘅時候,大家都依然係面帶笑容,期待下一次嘅相聚。


今日先睇頭場,第一場五班1200米,我就揀咗匹「皇家魅力」,呢匹馬今季跑過一次做過熱身,而且拎到第三,睇返佢上仗跑1000米嘅賽事係輸咗比匹「隨我來」同「喜奔騰」,今場賽事就少咗匹對手「隨我來」,但我就唔太睇好匹「喜奔騰」,因為末段嘅時候睇得到「皇家魅力」嘅步速上得好快,而匹「喜奔騰」爆嘅威力冇「皇家魅力」咁強,再者今仗賽事增程,係抽到黃金一檔情況下,相信對匹「皇家魅力」都幾有利,期待鞍上人今場同呢匹馬贏馬開齋。


到第三場四班1650我就鍾意匹「夢幻戰士」,呢匹馬今季跑過三次,亦都贏過一次,再睇返佢近排試嗰課閘亦都係贏咗,都睇到佢後追得好靚,雖然上仗跑1800米跑得一般,但今仗縮程跑,而且強配潘頓,另外,再睇返佢跑021嗰仗,佢後追悦目,亦都睇得到係有力,今仗賽事只要鞍上人再加多啲力,係有機會同呢匹馬再贏。

您可能有興趣:


首頁