不排除派馬爭香港瓶

咁都唔止，上周日薛寶力於德國取得從練首場頭馬，早兩日又派馬去法國贏咗表列賽，呢頭開齋轉頭異地再報捷，呢個開始真係好好。Natascha仲話目前廐中已有五十駒，其中有一匹係好有級數嘅長途馬，如果今季進度正常，不單唔憂冇得贏，而且有機會年尾嚟跑香港瓶，美倫祝佢哋心想事成，到時真係會以全新姿態重臨。

雖然薛寶力於歐洲談不上前列高手，但始終三度榮登德國冠軍騎師寶座，人緣好又有名望，一聲開倉，好多昔日支持者紛紛撐場；早十幾年前，佢騎「星運來」輕取女皇盃，強如「雞尾酒」、「原居民」等都要俯首稱臣，今成功轉行，話唔定會有更大的成就！