「噴火龍」屬尺寸馬，莫雅執韁必有幫助。

【洪禮賢講馬】周日沙田十場草地A欄賽事，希望屆時天氣穩定，不受兩勢影響，因為據天文台預測，當日可能早晚有幾陣雨。大賽日捧大馬房，但到底邊個倉口？數來數去好似得幾個，實際又係一面倒，提防痴心錯付。
莫雷拉今季停賽多過食飯，跑完今期又要停兩日，好在明日胯下惡馬多籮籮，最終贏到幾多場？保守估計應有兩三場。
第三場第四班1200米，新馬特別多，舊馬佔極少數，焦點該在幾匹質新馬身上，問題係押注在哪一駒而已，個人比較喜歡「噴火龍」，練者為免因加得減，面對現實加強配搭，做法實際。
「噴火龍」剛賽如非巫顯東直路攞位欠順，起碼會有位置，由此證明，目前在四班同程依然有十足火力，這次用上莫雅，相信對此匹後上馬甚大裨益，可憑後勁殺敵。
第四場第四班1600米，「轉數高」今次重戴眼罩且增程，會不會試出彩虹？不排除這個可能，要知道，牠早於第一場賽事已與「傲風雲」和「請跟我來」串T，哪有可能被四班困得住，而看過上場1400米陣中表現，加程是正確方向，此匹半冷馬值得一敲。